- Catalonha a d’ èster un Estat independent en forma de Republica. Aguest ei eth mandat deth Prumèr d’Octobre e aguesta ei era nòsta inspiracion.
- Volem hèr d’Accion eth melhor estrument entà arténher aguest objectiu, e entà bastir e assolidar er estat que Catalonha a de besonh entà subervíuer coma nacion e poder progressar.
- Eth camin cap ara independéncia ei ua luta compartida que reclame consens e pactes. Era nòsta accion politica s’inscriu en aguesta filosofia e per açò trabalharam entà bastir un frontample republican.
- Trabalham pera Republica des drets e es libertats, dera innovacion e dera eficiéncia, dera prosperitat e eth benestar, dera sostenibilitat e dera economia circular, dera justícia sociau e er includiment, deth feminisme e es drets LGTBI, dera igualtat, dera cultura e era creativitat, deth municipalisme e era gestion collaborativa. Ua Republica dubèrta ath mon e solidària damb es rèptes dera umanitat.
- Èm un partit feminista comprometut a trabalhar damb es hemnes e pes hemnes de Catalonha. Era luta entà arténher ua igualtat efectiva ei tan irrenonciable coma era luta pera independéncia e era Republica.
- Catalonha ei ua nacion plurilingüe, mès trabalham pr’amor qu’eth catalan, que compartim damb valencians, balears, andorrans e nòrd-catalans, vengue era lengua nacionau de toti es ciutadans, agen era origina qu’agen.
